#OldPostFromFacebook

"मम्मा!", अत्यंत चिडलेला स्वर
"बोल", शांत राहायला जमायला लागलंय मला आता थोडं थोडं 😏😏
"मला सगळं तुझंच ऐकावं लागतं. सगळं तुझ्या प्रमाणे करावं लागतं"

चला, याला साक्षात्कार झाला म्हणायचा आणि "प्रमाणे" शब्द पण नक्की कसा वापरायचा तेही कळायला लागलंय...
"बरं मग?"

"तू तुझ्या मम्माकडे जा राहायला, तिला तुझी आठवण येते ना! जा मग तू!"
"चालेल, जातेच मी आता...पण मग तुम्हाला जमेल का जेवणाचं?"
"आम्ही इडली आणि पोहे करू, आम्हाला तितकंच येतं"
"अरे पण रोज तुला वेगवेगळं लागतं ना जेवायला ?"
"मग आम्ही रेस्टोरन्ट मधून आणू"
"बरोबर आहे, पण पैसे पुरतील का?"
"आम्ही ATM मधून आणू"
"आणि तू घरी एकटा कसा राहशील?"
"मी आता थोडा थोडा मोठा झालोय ना"

"अच्छा, सगळं ठरलंय तर मग"
"हो!"

आज त्याची खोड काढायचा चान्स माझा होता. पुढची ५-१० मिनिटे शांततेत गेली आणि मग मी खरंच बॅग काढली 😜
"काय करतीयेस?"
"बॅग भरते ना आता"
"माझे पण कपडे भर"

"अरे पण तू तर इथेच थांबणार आहेस ना", हसू आवरत मी विचारलं 😷
"तूच म्हणतेस ना मी तुझा छोटा बेबी आहे, मग एकटं सोडणार का मला"
"एकटा कुठे आहेस पण तू, पप्पा असतील ना" 😛
 
"त्यांना तर कॉर्न राईस पण नै येत, आणि छान स्टोरी पण नै सांगता येत!"
"अरे देवा, मग आता काय करायचं?"
"आपण त्यांनाच पाठवून देऊ नगरला, ते माझं काहीच नै ऐकत...", टार्गेट बदललं होतं 😷😷
 
"त्यापेक्षा आपण त्यांना कॉर्न राईस आणि गोष्ट सांगायला शिकवू ना, म्हणजे नेक्स्ट टाइम मला जाता येईल", मी सहजासहजी सोडणार नव्हते 😜😜
 
"पण तू मला एक नंबर आवडतेस ना", माझा पोरगा पुणेरी आहे! 😉
"मला पण"
कॉर्न राईस बनवता येणं कुठे उपयोगी येईल सांगता येत नाही 😉


#OnALighterNote #MummasBoy #CuteFights #BuildingRelations #MommyDiaries